DGK İSM “Gömrükçü” İK-nın taekvondoçusu Avropa çempionatının gümüş medalına sahib çıxıb

350717Mayın 19-da İsveçrənin Montre şəhərində taekvondo üzrə Avropa çempionatına start verilib. Yarışda ölkəmizi kişi və qadınlar arasında taekvondo üzrə yığma komandamızın üzvləri təmsil edirlər. Qeyd edək ki, Dövlət Gömrük Komitəsi İdman Sağlamlıq Mərkəzinin «Gömrükçü» İdman Klubunun təmsilçisi Patimat Abakarova (53 kq) da yığma komandanın heyətində bu yarışda ölkəmizin idman şərəfini qoruyur. Bu gün taekvondoçumuz Avropa çempionatında mübarizəyə qoşulub. İdmançımız uğurla çıxış edərək finala yüksəlib. Patimat həlledici qarşılaşmayadək Latviya (3:0), Serbiya (6:2), Kipr (3:1), Fransa (4:2) təmsilçisinə qalib gəlib. Təmsilçimiz finalda Rusiya təmsilçisi Tatyana Kudaşova ilə qarşılaşıb. İdmançımız rəqibinə cəmi bir xal (3:4) fərqi ilə uduzaraq gümüş medala sahib çıxıb.
Avropa çempionatına mayın 22-də yekun vurulacaq. Qeyd edək ki, I Avropa Oyunlarının bürünc mükafatçısı olan Patimat bu il Rio-de Janeyroda keçiriləcək Yay Olimpiya Oyunlarında ölkəmizi təmsil edəcək. Xatırladaq ki, taekvondoçumuz Rio-2016-ya vəsiqəni Türkiyənin İstanbul şəhərində keçirilən Avropa Təsnifat Turnirində qazanıb.

 

 

 

 

Bu xəbərə də bax

DGK İSM “Gömrükçü”İK-nın boks üzrə açıq birinciliyi keçirilib

  Oktyabrın 21-də Ramil Səfərov adına “Cənub” İdman Klubunun boks zalında Müstəqillik gününə həsr olunmuş Dövlət …